Vernichtungslager

Auschwitz-Birkenau Stammlager Monowitz Majdanek Treblinka Sobibor Kulmhof Belzec

Vernichdigslaager im bsetzte Poole

Bronnaja Gora Maly Trostinez

Vernichdigslager im bsetzte Belarus

Vernichdigslaager, au Doodeslaager oder in dr Umgangssprooch emfatisch Doodesfabrike, säi mä ere Grubbe vo bsundere Konzentrazioonslaager (KZ), wo in dr Zit vom Nazionaalsozialismus vo SS-Dootechopfverbänd im bsetzte Poole und Belarus speziell für e Massemord an Juude us ganz Öiropa und andere Personegrubbe, wo d Nazi verfolgt häi, brucht worde isch.

Vom Joor 1941, wo si baut worde si, aa bis zu iirer Befreijig dur die Rooti Armee vo dr Sowjetunioon 1944 und 1945 si in deene Vernichdigslaager mee as drei Millioone Mensche vor allem in Gaskammere ermordet worde. D Vernichdigslaager häi doorum näbem Verschiesse dur die bsundere SS-Iisatzgrubbe e zentraali Rolle im Völkermord an de Juude gspiilt.